BM Eric Dioneda posibleng dumalagan Gobernador kan Sorsogon

Photo grab from Eric Dioneda's FB 

SORSOGON City - PINAKA-AABANGAN na sa ngunyan an pormal dangan opisyal na pagdeklarar kan saiyang kandidatura bilang gobernador kan probinsya ni Provincial Board Member Mark Eric Dioneda, aki ni Sorsogon City Mayor Leovic R. Dioneda. 

Ini makalihis magluwas sa programang tingog kan banwaan na madalagan gobernador an joven na dioneda en entisipasyon sa posibling pagdalagan man kan joven na lee na si city vice mayor Bobet Lee Rodrigueza. 

Segun sa masasarigan na impormante, tawong harane kay bokal Dioneda na togot man an joven na dioneda na dumalagan gobernador. 

"Dae man ki mawawara kay Mark Eric kun dumalagan man siya Gobernador, bako? Malay ta baya.." pahayag kan impormante. 

Idinagdag pa niya na may mga preparasyon nang pinaggigibo an kampo kan mga dioneda para sa laban na ini kabilang na kun siriisay an mga magiging mga katiwala o mga magiging katabang kaini pag-abot sa kapitolyo kan probinsya enkaso man nanggad na ini swertehon. 

An siring na impormasyon katakod pa sa bana-bana asin pagluwas kan estorya na magkandidatong city mayor si Gobernador Raul R. Lee asin ibubusol sa probinsya an aki niyang si Vice Mayor Robert Rodrigueza. 

Siring kay bokal Dioneda, pinakaaabangan na man an opisyal na deklarasyon gikan sa kampo kan lee. 

An nasambit nang mga estorya sa palibot kan duwang kampo naghahalat pa nin komfirmasyon hale sa mga imbueltong personalidad. #