Sorsogon City - BINUKASAN na an bag-ong gibo/togdok na Integrated Terminal digdi sa syudad nin Sorsogon.
Ini yaon sa Encarnacion Village, Balogo, East district, Sorsogon City. Agosto 15, 2012 kan ponan an operasyon kan terminal kun saen inacomodar na digdi an mga pampasaherong dyip pasiring digdi sa Sorsogon City.
Yaon na man nag-terminal an nagkapirang compania nin Bus, siring kan byaheng Legaspi asin Manila.
Napag-araman na soft opening pa man sana an ginibo sa aldaw na ini dahilan planong gibohon an grand opening kan terminal sa Setyembre 8, 2012.
Katunayan kasabay kan paglipat kan dyip asin bus, ipinagpapadagos pa an pag-ayos sa ibang facilidades sa laog kan terminal para mas lalong maging conveniente an serbisyo ninda sa mga transport organizations asin pasaheros kan Sorsogon.#
No comments:
Post a Comment