Kaenot-enoteng Bicol Travel and Food Expo pinakaaabangan na

Naga City - PINAKAAABANGAN na an kaenot-enoteng Bicol Travel and Food Expo na maarangkada sa umaboton na Penafrancia Fiesta/Festival sa syudad kan Naga. Ini pigmaliogotan na maorganisar kan pinakadakulang Bikolano Network na PBN, katabang an mga darakulang ahensia de gobyerno sa Bikol siring kan DOT, DTI, TESDA, DA asin lokal na gobyerno kan Naga. An proyekto may katuyuhan na matawan nin magayon buda desenteng lugar o venue an nagmamawot nin mahiwas na promosyon sa pagbisita kan minilyon na debotos asin turista sa dakulang Penafrancia Festival 2012. Prubado nang minahatak nin tambak na debotos an Mahal na Ina taon-taon sa Naga. Kun kaya syerto nang madagsa man an mahiling asin maikot sa laog kan "The Tent" kan Avenue Plaza Hotel, an venue kan BITFEX 2012. Iso-showcase digdi an mga magagayon na tourist destination sa bilog na Bikol asin na man an mga Festival sa rehiyon. Mahihilingan man digdi an mga de premerang hotel accomodation kan Bikol, mga produkto asin pagkaon na pwedesir kilala asin mga mamimidbidan pa sana. Ini mangyayari sa Setyembre 12-16, 2012 kun saen pano-pano an limang aldaw na BITFEX nin kadakol pang aktibidad.#